23 July 2012

Di Kopi Tiam, Panglima, Nina Pincala


Lukisan : Di Kopi Tiam oleh TariganU
Oil On Canvas, 81'x116'

Di Kopi Tiam
oleh TariganU

Masuk dan duduk di Kopi Tiam
kupesan seporsi ragut ayam
tambah secangkir kopi Sidikalang
sambilku sarapan menunggumu

Tak lama kau pun datang
membawa seucap selamat pagi
sembari memesan bachang Medan
tambah secangkir kopi Bali

Kita pun berbincang menggeluti hari
menebak-nebak celah peluang
setelah terpuruk mau bangkit kembali
dengan kerja keras yang terpandang

(Kita papan catur tak berbiji
atur warisan dipandang usang)


PANGLIMA
oleh TariganU

Pang nungkun kak tangko bungana
Nungkun perlawes perkabangna
Ngadi jumpaken eltep rasw skin
Talang siakun situhuna 

Pangisungkun pe tengah pertimbangen
La erguak ibas panggungna
La ngerauk encedaken
Ncibalken ukum ibas oratna

Pang ngerana ngataken tuhuna
Tetap erndebi nginget odakna
Njileken adat sisulangen agama
Perang ras dame sue sinasa

Pang mbalo* meteh balona
Balo arusna ruang katika
Ndatken kak sitangko bunga
Jadi mbalo sukul sekinta

Pang nuriangi** kusimehuli
Nuruk-nusuki simeganjangna
Nuduhken dalan ku gindar wari
Ngelayang -langkahi simeterukna

_________________________________
*mbalo      = ndalanken kiniharusen
  balo         = harus, labanci lang arus idalanken
** nuriangi = nuduhken dalan ku benarna,
                     ngambat perdalan si la mehuli

(dari buku BUNGA DAWA / PINCALA II, ANTOLOGI PUISI KARO INDONESIA  karya TARIGANU, hal 61-62)


NINA PINCALA
oleh TariganU

Leben tek Matawari
pultakna erpagi-pagi
maka aku tek
mentas berngi gindar wari

Perdateken wari dage
berkat lampasi;
mulih karaben bage
tepet ingan erberngi

Erbahan rumah galang
perlu palasna tekang;
adi kerangen enggo irabi
jumanta ula la mbelang

Sada ban telapna
siwah ban penggegehi;
sada bereken Dibata
siwah bekas encari

Jelma meteh mela
la bagi rubia rubia
laguna tetap erndebi
la sikoringen i tiga

Lalit penggejap bage
matawari pe nimpet kap;
la lit si man bahanen e
rincet incet ukur picet kap

(Antologi puisi Karo indonesia karya TARIGANU, terbitan Hastra Mitra Jkt 2004, hal.68-69)

Sumber : tariganu 

No comments:

Post a Comment